Demək, dünənki anlaşmaya görə Ermənistan Yaxın Şərqdə ABŞ-nin İŞİD-ə qarşı koalisiyada yer alacaq. Başqa sözlə desək, bir vaxt Rusiya hərbi kontingentinin tərkibində Suriyada Bəşər Əsəd rejimini qoruyan hay hərbçiləri indi Sem dayının qanadları altında PKK-YPG ilə birgə guya digər bir terror qruplaşmasına qarşı vuruşacaqlar.

Bayden adminstrasiyaının Ermənistanla de-fakto strateji tərəfdaşlığı de-yureləşdirməsi və İrəvanda Avropa Birliyinə üzvlüyə "hazırlıq" tədbirləri bir-birinə bağlı məsələlərdir. Nikol Paşinyana bu haqda təlimat ötən il 5 apreldə Brüsseldə keçirilən üçtərəfli görüşdə verilib. Yəni nə Avropa Birliyinə üzvlüklə bağlı Ermənistan hökumətinin qərarı, nə də ABŞ ilə bu strateji tərəfdaşlıq anlaşması haylarlıq məsələdir. Onlar sadəcə verilən təlimata uyğun hərəkət edirlər.

Azərbaycan Prezidenti cənab İlham Əliyevin yanvarın 7-də yerli televiziya kanallarına verdiyi, Ermənistana sərt xəbərdarlıq edilən, onun havadarlarından birinin qarşısında açıq tələb qoyulan intervüsünün böyük reaksiya doğuracağı öncədən bəlli idi. Mən İranın Milli Təhlükəsizlik üzrə Ali Şurasının katibi Əli Əkbər Əhmədianın Bakıya səfərini və ardınca da İrəvana getməsini məhz həmən reaksiyalardan biri kimi qiymətləndirirəm.

İki gün öncə Rusiyada vurulan sərnişin təyyarəsində həlak olanlara bir daha rəhmət, doğmalarına səbr, yaralananlara şəfa diləyirəm! Prezidentimiz cənab İlham Əliyevin bu haqda xəbər alan kimi Sankt-Peterburqa səfərini dayandırıb geri dönməsi, araşdırma aparmaq üçün təcili olaraq dövlət komissiyası yaradılması, qəza enişi edilən Aktauya iki nazir və mütəxəsislərin yer aldığı heyətin göndərilməsi və tam dəqiqləşdirilmədən hər hansı rəsmi açıqlamanın verilməməsi, eyni zamanda da təyyarənin qəlpə izləri olan gövdəsinin kadrlarının yayılmasını təmin etməklə kimlərinsə iz azdırmaq cəhdlərinin heçə endirilməsi, Azərbaycan dövlətinin nə dərəcədə dəqiq, məsuliyyətli davrandığını, elə həm də böhran menecerliyinin necə yüksək səviyyədə olduğunu ortaya qoydu.

Millət vəkili Sahib Alıyevin Milli Məclisdə cari məsələlər üçün ayrılan vaxtda nəzərdə tutulan çıxışı.

Məşhur "Hərb sənəti" əsərinin müəllifi, qədim Çin strateqi Sun Tzı döyüşsüz əldə ediləni qələbələrin ən uğurlusu, bunu bacaranı isə sərkərdələrin ən böyüyü adlandırırdı. Noyabrın 20-də işğalçı Ermənistanın hərbi kontingentinin Ağdamdan rədd olub getməsi məhz bu qəbildən olan qələbələrimizdəndir. Əlbəttə, düşmən bunu heç də öz xoşuna etmədi. Cəbhədə yaranmış vəziyyət, mühasirədəki minlərlə hərbçisinin tamamilə məhvi qorxusu onu buna vadar etdi.

ABŞ-ın yeni seçilmiş prezidenti Donald Trampın vəkili Endryu Paltsik “The New York Times” qəzetini məhkəməyə verərək 10 milyard dollar təzminat tələb edəcəklərini bildirib. Demokratlar Partiyasına işləyən NYT siyasi opponentlərə qarşı böhtanın konversiya yoluyla istehsalında, yəni bu prosesin artıq "sənayeləşdirilməsi"ndə suçlandırılır.

Azərbaycan Prezidenti cənab İlham Əliyevin COP29 çərçivəsində kiçik ada dövlətlərinin Sammitində Fransayla Niderlandın müstəmləkəçilik siyasətlərini sərt tənqidini Avropa Birliyinin Xarici siyasət və Təhlükəsizlik məsələləri üzrə əsas təmsilçisi Cozep Borrell "son dərəcə ağrılı ittiham" adlandıraraq, ifşa edilənlərin hər ikisini dəstəklədiyini bildirib. Əlbəttə, ağrılı olacaq, çünki cənab İlham Əliyev demokratiya maskası taxanların imperialist mahiyyətlərini, yeritdikləri mənfur müstəmləkəçilik siyasətlərini təkzibedilməz faktlarla ortaya qoydu.

COP29-un Liderlər Sammitinin açılış mərasimindəki çıxışında cənab İlham Əliyev 3 minə yaxın əcnəbi jurnalistin gözü qarşısında Azərbaycanı neft ölkəsi olmaqda ittiham edənlərə elə sərrast və öldürücü cavab verdi ki, əgər onlarda azacıq utanan sifət olsaydı, bir də bu mövzuya qayıtmazdılar. Ancaq qayıdacaqlar və "azərbaycanlı" muzdluları da məsələn, ÜMD-də pay nisbətini xatırlatmaqla çalışacaqlar ki, bizdən 30 dəfə çox qara qızıl çıxaran ABŞ-nin deyil, məhz Azərbaycanın neft ölkəsi adlandırılmağa daha çox haqq etdiyini göstərsinlər.

Amerika Birləşmiş Ştatlarının yeni seçilmiş Prezidentini ilk təbrik edənlərdən birinin də məhz Azərbaycan lideri olacağı öncədən bəlli idi. Cənab İlham Əliyevin Donald Trampın birinci dəfə dövlət başçısı olduğu dönəmdə iki ölkə arasında əməkdaşlığın möhkəmləndirildiyindən məmnunluq ifadə etməsindən də bu aydındır və o xoş sözlər ona görə orada əksini tapmayıb ki, təbrik məktubunun yazılış qaydası bunu tələb edir.

Qırğızıstanın paytaxtı Bişkekdə keçirilən Türk Dövlətləri Təşkilatı Dövlət Başçılarının 11-ci Zirvə görüşünün əsas devizinin reallaşması üçün nə etmək lazım gəldiyi Azərbaycan Prezidenti cənab İlham Əliyevin oradakı çıxışında açıqlandı.